~ ولاضاقت الدنيا وعلى الكيف ماجات ~

يغنيك عن كثر الحكي مجمل ابيات
ومن ياخذ المضمون يلقى الادله

تدري و اللي يقتل الحب يسكات
لا صرت في بوحك تحس بمذله

وتدري و اللي يكسر الظهر حزات
لامن عطيت باحساس ماهو محله

وتدري متى تستاهل الطعن مرات
لامن خطيت الدرب وانته تدله

لا تتبع المقفى على كل حالات
بعض الوجوه اللي تقابلك عله

ولا تسأل الغالي عن الجرح لا فات
نبش الحكي يزود الطين بله

طالع في من حولك وتاخذ شهادات
ما نلتها لو تدرس الدهر كله

ناس تجر من اسود الضيق ونات
وناس تقضيها وناسه وفله

هذاك شال هموم غيره ولا بات
وهذاك ما يدري عن احساس خله

احدن يهين اصله على كل زلات
واحدن ترومه شيمته ما تله

لا تقول حظي من عنا الوقت قد مات
قل مات حظ اللي عناه استحله

ولا ضاقت الدنيا وعلى الكيف ما جات
اطلق احجاجك ثم توكل على الله

منقوولة

رااائعة تلك الكلماات ...~

إبدااااع ..~

تسلمين عالطرح meme

ننتظرج جديدش وقادمش ...~

تحياتي من خلف شاشتي ..~

~ ولاضاقت الدنيا وعلى الكيف ماجات ~ 11793110

كلمات رائعة وجميلة وتدل على معناها
تسلمي..~

يسلمو روح الورد وندى الورد ع المرور